Eolas ar Dholaí

Gréasán Bóithre

Oibríonn, cothaíonn agus feabhsaíonn BIÉ an Gréasán Bóithre Náisiúnta (NRN) atá comhdhéanta de Phríomhbhóithre Náisiúnta agus de Bhóithre Náisiúnta den Dara Grád. Iompraíonn ár ngréasán thart ar 45% de thrácht iomlán bóithre na tíre, agus measaimid go dtarlaíonn idir 80-90% den iompar lastais ar fad ar Bhóithre Náisiúnta. Áirítear leis seo Mótarbhealaí, Débhealaí Iompair, agus Bóithre Aon Lána, a bhfuil ról lárnach acu maidir le daoine agus earraí a iompar go hinbhuanaithe ar fud na hÉireann.

Déantar comhoibriú freisin idir an Roinn Iompair (DoT) agus BIÉ, rud a chinntíonn comhthuiscint ar fheidhm an ghréasáin, riachtanais úsáideoirí agus bonneagair reatha agus amach anseo ar an ngréasán, chun Tionscadal Éireann 2040 a chumasú.

Tá BIÉ i gceannas ar fhorbairt an Mhórghréasáin Bóithre Idiruirbeacha ar fud na tíre, ag nascadh mhórchathracha na hÉireann le 25 bliain anuas.

Ar fud 5,314km de bhóithre náisiúnta, bainistíonn BIÉ:

1,200km de mhótarbhealach agus débhealach d'ardchaighdeán
3 thollán
3,400 struchtúr
130,000 comhartha bóthair
Déanann BIÉ maoirseacht ar bhainistíocht dolaí an M50 agus Thollán Bhaile Átha Cliath. Ina theannta sin, tá ocht gcinn de scéimeanna dola atá á mbainistiú ag CPPanna ar an ngréasán.

Tá cuid dár bpríomhbhóithre náisiúnta in Éirinn mar chuid den Ghréasán Tras-Eorpach Iompair (TEN-T).

Trácht ar an M50

Tháinig an líon tráchta agus an t-ioncam do Dhola eFlow an M50 i mBaile Átha Cliath ar ais in 2023 agus sháraigh siad leibhéil 2019, an tagarmharc roimh thús phaindéim COVID-19.

Ba é an Meántrácht Laethúil in aghaidh na Bliana (AADT) don dola M50 ná 156,028 turas, méadú thart ar 5% ar an mbliain roimhe sin (2022: 149,010).

Cláraíodh timpeall 57 milliún turas ar an dola M50, ar méadú 5% é sin ar an mbliain roimhe sin (2022: 54 milliún).

Trácht trí Thollán Bhaile Átha Cliath

Ba é an Meántrácht Laethúil in aghaidh na Bliana do Thollán Bhaile Átha Cliath in 2023 26,289 turas, méadú 12.6% ar an mbliain roimhe sin (2022: 23,355).

San iomlán, taifeadadh thart ar 9.1 milliún gluaiseacht sa tollán in 2023.

Is cnámh droma ríthábhachtach é an NCN don nascacht eacnamaíoch, shóisialta agus chultúrtha ar fud na hÉireann.

>50% de Charranna na hÉireann

>99% den Lasta Intíre

>200 Milliún Turas Iompair Phoiblí

Tá sin ar fad ag brath ar úsáid a bhaint as an NRN gach bliain.

Oibríochtaí Dola

Bailíonn oibríochtaí dolaí BIÉ muirir shuntasacha úsáideoirí gach bliain ó bhonn leathan custaiméirí de níos mó ná dhá mhilliún gluaisteánaí intíre agus eachtrach a úsáideann dolabhóithre an M50 agus Thollán Bhaile Átha Cliath.

I measc na bhfreagrachtaí atá ar BIÉ tá:

Bainistíocht ar oibriú dola eFlow an M50 agus ar bhailiúcháin dolaí Thollán Bhaile Átha Cliath
Leibhéil chomhlíonta ar dhola eFlow an M50 a bhainistiú
Na socruithe idir-inoibritheachta náisiúnta a bhainistiú
Pleanáil straitéiseach a bhaineann le héabhlóid na hearnála dolaí in Éirinn de réir bheartais an Rialtais agus an AE maidir le muirearú úsáideoirí agus maoiniú bonneagair. Áirítear leis seo pleanáil leis na dolabhóithre CPP a ‘chur ar ais’ chuig BIÉ idir 2030 agus 2040